2016-10-01課程內容
相信學員佇聽完頂禮拜“甘蔗園記事”佮”印尼新婦“這兩pha故事了後,一定足想欲知影若欲寫好一篇小說愛有啥物元素抑是、愛注入去啥物材料?首先咱著愛清楚臺語聲調的三調性;啥物是三調性?第一是「原調」,彼就是咱定定咧講的七聲八調,以七聲為主,譬論講” 衫、 短、褲、闊、人、矮 、鼻 、直“這七聲來做例,每一音攏是一个原調。舉一个例來講”你”佮“咱” 這兩字攏是屬於原調,毋過“咱”這一字的用法是kah文雅的,”你”就kah粗魯淡薄;以“咱蹛佗?“佮”你蹛佗?“這兩句來講做評論,定著是“咱蹛佗?“是kah文雅囉。
第二是「動態調」第三是「靜態調」,tse攏會牽涉著“變調”的問題,譬論講“開門=『將門打開』”“門開開=『門是開著的』”“門開開開=『門是敞開著』”所以聲調符號的分辨一定愛真正確,伊會當予咱的文章閣khak出色,簡單講靠聲調嘛是會當寫出感情佮畫面的。
閣來,就愛注意語詞用法是毋是真端tiah,譬論講:
1.華語的『泡湯』咱愛講「浸磺水」。
2.「等路」佮「伴手」的區別,「等路」是欲轉外家的時,佇欲入門進前有人佇半中站仔咧等,所以手中紮的物件就叫做「等路」;啊若「伴手」就是指由外家遐紮轉來的物件。正確的講法:「我紮等路轉去外家。」「我uí外家提伴手轉來。」
3.華語的『茶杯』咱愛講「茶甌」。
4.華語的『滿』咱愛講「滇( 淀)」。
5.華語的『開車』咱愛講「駛車」;開車=是發動機器,駛車=是需要有執照的。
6.華語的『停車』咱愛講「插車」。
7.華語的『停電』咱愛講「失電」。
8. 華語的『停電』咱愛講「失電」。
9.華語的『多』咱愛講「濟」「厚」濟=算會出來,厚=算袂出來(歹算)。9.華語的『再見』咱愛講「我先失禮」。
10.華語的『撞球』咱愛講「tōng球」毋講lòng球。
11.華語的『冰箱』咱愛講「冰櫥」箱=是囥橫的,櫥=tshāi直的。
12.華語的『冰棒』咱愛講「枝仔冰」北部人甚至講「tsia̍h霜仔」。
13. 華語的『魚翅』咱愛寫做「魚刺」。華語的『箭筍』咱愛寫做「劍筍」。
以上攏是華語詞佮臺語詞無相仝的所在,一定愛分清楚。
紲落來用“番婆命案”這篇文章做文本,咱欲來探討內面的奇巧:(請參考“陳明仁台語文學選”P:208-223)
由老師陳明仁親身來朗讀,檢采仔有拄著問題的時,學員會當隨時提出來問。