1.池袋常在leh落雨--記史明先生 (革命家kap台灣獨立運動先驅,為獨立台灣會創始人,政治立場偏台獨左派)
1937年入讀早稻田大學時期的史明。1918年,史明(嬰孩時)與父母親合影
(1)史明先生是荒野 ê一pha孤燈:為著台灣獨立建國拍拚一世人,非常偉大ê精神,使人真感動。伊ê著作《台灣四百年史》,用十冬ê時間,這是khia佇台灣人立場所寫ê第一部台灣 通史著作。
(2)阿仁老師紹介佇日本熟似史明先生ê經過kap歷史,故事真精彩。
(3)台語歌曲:霧夜燈塔(電影版:張淑美,台語版:鄭日清)。
2.《田庄ê故事》文本導讀:紅襪仔廖添丁─【故事內容】細漢時陣ê同學吳添丁kap作者做伙選班長ê趣味過程。添丁同學愛穿紅襪仔,變成伊ê特徵,伊非常認真拍拚,積極參與競選過程,有做海報kap分糖仔予同學,尾阿果然順利當選,m̄-koh導師講分糖仔算賄選,bô準算,為著幫助添丁同學繼續做班長,作者講有分著糖仔ê白賊話,放學添丁同學特別請作者去in兜tshit-thô,最後兩人變成上好ê朋友,後學期添丁同學ê警察阿爸調去別ê單位,兩人suah bô見面ê機會。所以特別寫tsit ê故事來數念(siàu-liām)伊ê同學─紅襪仔廖添丁。
3.《田庄ê故事》文本導讀:咖啡物語(物語=故事,lim咖啡、開戀愛ê花)─
【故事內容】因為作者ê查bôo同學請伊lim咖啡ê機緣,tsit開始uì lim苦澀ê咖啡,kàu尾阿變成甘、甜,有特別懷念滋味ê咖啡,養成以後愛lim咖啡ê習慣。尾阿女主角kap阿雄結婚以後做生理,賣咖啡,生理真好,最後移民外國定居,為著beh紀念,請伊lim咖啡ê查bôo同學,創造tsit leh迷人ê「咖啡物語」愛情故事。
●寫作台語小說ê動機是為著beh替弱勢者發聲,透過文學作品將生活寶貴、特殊ê經驗寫落去,保留台語古老原汁ê台語語詞kap文化,寫作時愛特別注意故事前後ê時間性、人物角色、情節變化、趣味性kap合理ê邏輯性,吸引讀者想beh進一步瞭解故事內容ê興趣,每tsit ê故事攏安排一首台語歌曲,增加故事想像ê空間。
4.文本導讀「番婆命案」─(請參考“陳明仁台語文學選”P225-P232)
◎台語歌曲:再來ê 港都(作詞:愁人-文夏hā)。
【故事內容】接續頂禮拜P225 ê故事內容,警員繼續追查真相,問過真濟獎券行,
最後佇開出「52」ê獎券行tshue著關鍵破案線索(因為番婆相信聖經5餅2魚ê故事,逐期攏買有「25」、「52」ê號碼 ),m̄-koh佇te beh破案ê時陣,被孫巡佐發現,伊先tshue牛á頭khá油50萬,koh驚警員kap幼氣漏洩兇手是siańg?所以用關係將兩人調去別位,最後ê結局是用「海難」結案。作者將懸疑、緊張ê探偵故事,最後用警員kap幼氣,愛情戀愛ê過程,輕鬆結束。留予讀者無限ê推理空間。
5.戲劇「等紅霞的日子」文本導讀─(請參考“陳明仁台語文學選”P356-P374)
【故事內容】tuì看紅霞ê tsit對翁á某─美子、阿文,側寫228故事發生ê經過,
描寫大稻埕hit間食茶店附近ê老百姓,佇路邊kap市場,做生理ê時陣,被緝私
員嚴重霸凌、欺負,最後因為反抗暴力,發生sio罵sio-phah ê群眾衝突事件。尾 阿,規陣人攏予警察lia̍h去關起來。美子拜託朋友kap算命仙,鬥相共想辦法救翁婿,m̄-koh mā是bô法度救伊ê命,最後過無幾工,阿明ê阿爸-阿文tio̍h予人lia̍h去tshìng殺,真可憐。美子mā因為a-ne起siáu,便若出紅霞beh暗ê時,攏會佇門kha口等阿爸轉來。紅霞真suí─「等紅霞(阿爸)的日子」,反映228 hit ê 時代,予人想著攏會流目屎ê悲劇故事。
●寫劇本愛有動作+語言(上重要),戲劇是文學ê主流。愛ke看世界經典名著,如《追憶逝水年華》、毛姆《剃刀邊緣》、《大亨小傳》……等等,莎士比亞名著,才會有寫作ê題材,起頭真重要,mái想siunn濟,na寫na想故事劇情內容。首演
愛將人物、場景、音樂、道具、服裝、佈景、演員……等等,交待予清楚,才開始寫故事內容,這是寫劇本ê規矩(美國劇本攏a-ne寫),文學創作者攏愛經過流浪、散赤、痛苦……等等人生歷練ê過程,才會有豐富ê題材,寫出感動讀者ê故事kap文學作品。
●讀劇互動、徵詢演出意願及角色扮演、內容戲劇原理。(下禮拜進行活動)
◎以上文本導讀由陳明仁老師親身來朗讀,檢采有拄著問題ê時,學員會當隨時提出來kap老師討論。